Muffins za maboga na chocolate

Muffins za maboga na chocolate, ni muffins tamu ambazo hupikwa kwa kutumia boga lililo sagwa, unga wa cocoa, pamoja na dark chocolate chips. Muffins hizi zafaa kula kama kifungua kinywa wakati wa asubuhi, au kama kitindamlo, baada ya mlo wowote ule. Fuata hatua zifuatazo, ili ujifunze jinsi ya kupika muffins hizi za maboga na chocolate.

Directions

Step1

Chukua bakuli kubwa. Weka ndani ya hilo bakuli, mayai pamoja na light brown sugar, kisha changanya vizuri.

Step2

Weka mafuta ya kupikia, vanilla extract, buttermilk na boga lililo sagwa, halafu endelea kuchanganya.

Step3

Weka unga wa ngano, cocoa powder, baking soda, baking powder, mdalasini, , pamoja na dark chocolate chips, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step4

Chukua sufuria la kuoka muffins (muffins pan), lenye matundu 12 ya muffins, na uweke ndani ya hayo matundu karatasi za kuokea muffin (muffin papers). Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka muffins.

Step5

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka muffins ndani ya hilo jiko, na uoke kwa muda wa dakika 20, au hadi utakapo ona muffins zimeiva na kuwa na rangi ya kahawia.

Step6

Muffins zikisha iva, ziondoe kwenye jiko la kuoka, kisha ziweke pembeni ili zipoe, zikiwa bado ndani ya sufuria la kuoka muffins. Muffins zikishapoa, unaweza kuzitoa ndani ya sufuria la kuoka muffins, tayari kwa kula.